Қазақстандық өнім Түркияға контейнермен тасымалданады

Қазақстандық ауыл шаруашылығы өнімі Түркияға контейнермен тасымалданады. Тауар діттеген жеріне ысырапсыз жеткізіледі. Бұл туралы «Қазақстан темір жолы» ұлттық компаниясы хабарлады.

Агроөнім Ақмола облысындағы Азат станциясында 600 контейнерге тиеліп жатыр. Бұл жолы отандық жасымық экспортталады. Өнім Түркияның Мерсин станциясына жеткізіледі. Түркиялық тараппен де тиісті келісім жасасқан. Жауапты мекеме 15 мың тонна жасымықты қабылдап алмақ.