Марафонға байланысты елорда мен Алматының кей көшелері уақытша жабылады

Демалыс күндері елорда мен Алматыда марафон өтеді, деп хабарлайды «Хабар 24».

Осыған байланысты бұл қалалардың кей аудандарында қозғалыс уақытша шектеледі.

Атап айтқанда, ертең бас қалада 18 көше жабылады. Олардың арасында Қабанбай батыр, Мәңгілік ел, Тәуелсіздік, Момышұлы, Абылай хан сияқты көлік көп жүретін көшелер бар. Бұдан бөлек, таңғы сағат 07:00-ден түскі 14:00-ге дейін қоғамдық көліктер 7 бағыт бойынша жүрмейді. Ал Алматыда Назарбаев, әл-Фараби, Достық даңғылдары, Сайын, Байтұрсынов, Сәтпаев және Тимирязев көшелері уақытша жабылады.