Сенат Қарулы күштер туралы заң жобаларын талқыға салды

ТМД елдерінің қарулы күштері арасындағы ынтымақтастық нығая түседі.

Бүгін Сенат 2 заң жобасын талқыға салды. Бұл құжаттарға сай әскерилер арасындағы байланыс жүйесі жетілдіріліп, миналанған аумақтарды бірге барлауға мүмкіндік болады. Сондай-ақ жауынгерлер ортақ ғылыми-зерттеу жұмыстарын жүргізе алады. Құжаттар қабылданған жағдайда әскерилер түрлі нысанда жарылыс қаупі бар заттардың бар-жоғын зерделеп, бұрын ұрыс жүрген аудандарды барлай алады.