426,32 496.50 6.01
+7 (7172) 757 485 24kz@khabar.kz

Қазақстан мен Литва арасында тікелей әуе рейсі ашылады

  • 93
  • UPD: 12:14, 13.10.2021
Қазақстан мен Литва арасында тікелей әуе рейсі ашылады

Кеше Нұр-Сұлтанда Литваның азаматтық авиация басшылығы мен ҚР ИИДМ Азаматтық авиация комитетінің консультациялық кездесуі өтіп,  Нұр-Сұлтан – Вильнюс және Алматы – Вильнюс тұрақты әуе бағыттарын ашу, оған Венгрияның «Wizz Air» әуе компаниясын оператор етіп тағайындау мәселесі қаралды, деп хабарлайды «Хабар 24»  ҚР Индустрия және инфрақұрылымдық даму министрлігіне сілтеме жасап.

Рейстерді 2022 жылдың 1 тоқсанында ашу жоспарланып отыр.

ҚР ИИДМ Азаматтық авиация комитеті төрағасының орынбасары Салтанат Томпиева және Литваның Көлік және коммуникация министрлігі Жол және авиациялық көлік саясаты тобының жетекшісі Владислав Кондратович әуе тасымалдары саласындағы ынтымақтастық мәселелерін талқылап, тұрақты рейстерді ашу ниеті көрсетілген хаттамамен алмасты.

Бұл мәселе бойынша түпкілікті шешім екі елдің коронавирустық инфекциясының пайда болуы мен таралуына жол бермеу жөніндегі ведомствоаралық комиссиялары ұшуға рұқсат бергеннен кейін қабылданады.

Хабар 24 телеарнасы