476,27 474,60 7,83
+7 (7172) 757 485 24kz@khabar.kz

Көп балалы отбасылар 210,2 млрд теңгеге жәрдемақы алды

  • 178
  • UPD: 11:20, 18.10.2021
Көп балалы отбасылар 210,2 млрд теңгеге жәрдемақы алды BAQ.KZ

2021 жылғы қаңтардан бастап қыркүйекті қоса алғандағы аралықта көп балалы отбасыларға берілетін мемлекеттік жәрдемақы төлемдерімен жалпы сомасы 210,2 млрд теңгеге орта есеппен 443,5 мың отбасы қамтылды, соның ішінде қыркүйекте жәрдемақының бұл түрін 415,3 мың отбасы жалпы сомасы 21,8 млрд теңгеге алды.

ҚР ЕХӘҚМ баспасөз қызметінің ақпаратынша, аталған мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.

«Төлем мөлшері балалардың санына байланысты сараланып төленеді және 2021 жылы 46 760 теңгені (4 бала), 58 457 теңгені (5 бала), 70 154 (6 бала) теңгені, 81 852 теңгені (7 бала), 8 балаға – 93 344 теңгені, 9 балаға – 105 012 теңгені, 10 балаға – 116 680 теңгені, 11 балаға – 128 348 теңгені, 12 балаға – 140 016 теңгені, 13 балаға – 151 684 теңгені, 14 балаға – 163 352 теңгені, 15 балаға – 175 020 теңгені, 16 балаға – 186 688 теңгені немесе әр балаға 11 668 теңгені құрайды», – делінген мәліметте.

Еске сала кетейік, көп балалы отбасыларға олардың кірістерін есепке алмай берілетін жаңа мемлекеттік жәрдемақы Қазақстанда 2020 жылдың 1 қаңтарынан бастап атаулы әлеуметтік көмек көрсетудің жаңа тетіктерінде көзделген табысы аз және көпбалалы отбасыларды қолдаудың үш негізгі бағыты шеңберінде енгізілген болатын.

Хабар 24 телеарнасы