434.16 493.30 5.87
+7 (7172) 757 485 24kz@khabar.kz

Тоғжанов вакцинацияға қатысты тапсырманы орындамайтын шенеуніктерді жазалауды ұсынды

  • 137
  • UPD: 10:42, 19.10.2021
Тоғжанов вакцинацияға қатысты тапсырманы орындамайтын шенеуніктерді жазалауды ұсынды

Премьер-министрдің орынбасары Ералы Тоғжанов халықты вакцинациялау бойынша тапсырмалар қай аймақтарда орындалмайтынын айтты, деп хабарлайды «Хабар 24».

«ВАК осы мәселелерді қарады. Оқу жылының басынан бастап әкімдіктер өздерінің дайындығын толық растады, алайда бүгінгі күні, мысалы, бесінші мектепте, санитарлық нормалардың сақталмағанын көрдік, сондықтан әкімдіктер барлық жағдайды бақылауы тиіс», – деді Тоғжанов.

Ол жыл басынан бері Нұр-Сұлтан, Маңғыстау, Қостанай облыстарында жоспардың 10-15 пайызы ғана орындалғанын айтты.  

«Жалпы, ВАК отырыстарында бірнеше рет өңірлерге вакцинация қарқынын жылдамдатуға байланысты тапсырма берілді, бірақ берілген тапсырма тиісті түрде орындалмайды. Осыған байланысты өңірлердің әкімдеріне коронавирус тәжірибесін ескере отырып, вакцинациялауды ұйымдастыру жөнінде түбегейлі шаралар қабылдауды тапсырған дұрыс деп санаймын. Вакцинация жоспарын орындамағаны үшін әкімдік басшылығының жеке жауапкершілігін атап өту керек. Бұдан кейін оң динамика болмаған жағдайда әкімдердің жетекшілік ететін орынбасарларына тәртіптік сипаттағы шаралар қабылдау орынды деп санаймын», - деп қосты Тоғжанов.

 

Хабар 24 телеарнасы