USD 446.33
EUR 485.56
RUB 5.04
Каспий жағасында демалыс орнын салып жатқан серіктестік жұмысшылары кәріз суын Қаракөлге төгіп жатыр. Бұл сорақылықты тұрғындар видеоға түсіріп, әлеуметтік желіге жариялады.
Оқиға орнына экологтар барып, сарқынды судың төгілуін тоқтатты. Сынамалар алынды. Егер зиянды заттар анықталса, мердігерге әкімшілік шара қолданылады. Қаракөл жасанды су қоймасы Ақтаудан 10 шақырым жерде орналасқан. Бұл жерді қызғылт қоқиқаз, сыбырлақ аққу және Қазақстанның қызыл кітабына енген өзге де құстар мекендейді.
Сағадат Хансейітов, облыстық Экология департаменті басшысының орынбасары:
– Қоршаған ортаға залал келтірілген жағдайда шағын кәсіпкерлік субъектілеріне тексеріс жүргізу тек қана бірінші басшысының шешімі негізінде жүзеге асырылады. Осы ретте экология департаментінен орталық аппаратқа сұраныс хат жолданды. Оң шешімі шыққан жағдайда жоспардан тыс тексеріс жүргізіп, тиісті шаралар қолданылатын болады.
