Pfizer вакцинасы Қазақстанға 8 қарашада әкелінеді

Қазақстан халқын ревакциналауға кірісу керек. Мемлекет басшысы Үкімет пен әкімдерге осыны тапсырды.

Ал осы орайда «Pfizer» вакцинасы Қазақстанға 8 қарашадан бастап әкелінетінін айтып кету керек. Алғашқы партия аясында ол 2 млн адамға салынады. Бұл туралы Денсаулық сақтау вице-министрі Марат Шоранов хабарлады. Вакцина елге әкелінген бойда өңірлерге таратылады. Одан соң вакциналау жұмыстары басталады. Бұл іс 15 қарашаға жоспарланып отыр. Жалпы бұл жолы «Pfizer»-дің 4 млн дозасын әкелу көзделген. Аймақтарда екпені сақтау орындары дайын. Алғашында шетелдік вакцина әйелдер мен оқушыларға салынады.

Марат Шоранов, ҚР Денсаулық сақтау вице-министрі:

- Оқушылардан басқа жүкті әйелдер және емізіп жатқан әйелдер, сол кісілер ала алады. Сосын жалпы риск тобына кіретін қызметкерлер бірінші этаппен кіргізіледі. Содан соң бірінші ақпаннан бастап қалай жасадық, солай жасаймыз.