433,56 492.25 5.92
+7 (7172) 757 485 24kz@khabar.kz

А.Мамин қазақстандықтарға халық санағына белсенді қатысқаны үшін алғыс білдірді

  • 107
  • UPD: 10:31, 10.11.2021
А.Мамин қазақстандықтарға халық санағына белсенді қатысқаны үшін алғыс білдірді Egemen Qazaqstan

ҚР премьер-министрі Асқар Маминнің төрағалығымен өткен Үкімет отырысында ұлттық халық санағының алдын ала қорытындысы қаралды.

ҚР Стратегиялық жоспарлау және реформалар агенттігінің Ұлттық статистика бюросының басшысы Нұрболат Айдапкелов халық санағын өткізу жөніндегі жұмыстың аяқталғаны туралы баяндады.

Халықтың 60%-ке жуығына дәстүрлі санақ жүргізілді. Елімізде тұңғыш рет халық санағы электронды түрде өткізілді. Халықтың 40%-тен астамы санаққа sanaq.gov.kz сайтында электрондық санақ парақтарын өздері толтыру арқылы қатысты. 

Халық санағына санақ персоналының 25 мыңға жуық адамы, сондай-ақ Ұлттық статистика бюросының аумақтық бөлімшелері мен орталық аппаратының қызметкерлері қатысты.

Алдын ала қорытындысы барлық тексеру аяқталғаннан кейін желтоқсан айының соңында шығарылады.

Үкімет басшысы күрделі эпидемиологиялық жағдайларда өткен ұлттық халық санағы мейлінше сапалы ұйымдастырылғанын атап өтті.  

Премьер-министр қазақстандықтарға осы маңызды науқанға белсенді қатысқан үшін, сондай-ақ Ұлттық статистика бюросының қызметкерлері мен осы науқанға жұмылдырылған азаматтарға атқарған жұмысы үшін алғыс білдірді.

Хабар 24 телеарнасы