Қазақстан Республикасы ҰҚК Шекара қызметі ресейлік әріптестерімен бірлесіп, Каспий теңізінің су айлағында браконьерлік әрекеттің жолын кесуге және биологиялық әртүрлілікті сақтауға бағытталған ұйымдық және практикалық іс-шаралар кешенін өткізуде.
ҚР ҰҚК баспасөз қызметінің мәліметінше, шекарашылар Қазақстан Республикасының теңіз кеңістігінде 246 түрлі құқық бұзушыны және 24 жүзу құралын құрықтады.
«Алынған браконьерлік аулау құралдары: 179 км астам тор және ілмек құралдары, 533 дана (3 600 кг) бекіре тұқымдас балық, 4 006 дана (5 400 кг) ұсақ тұқымды балық және үш итбалық», – делінген мәліметте.
Шекара қызметінің іс-қимылдары нәтижесінде жол берілмеген залал 1 млрд теңгеден астам сомаға бағаланып отыр. Тәртіп бұзушыларға 2 млн теңгеден астам мөлшерде айыппұл салынды.