430,43 492.25 5.92
+7 (7172) 757 485 24kz@khabar.kz

Қазақстандық бітімгерлер бейбітшілікті қолдау операциясын өткізді

  • 78
  • UPD: 10:51, 14.11.2021
Қазақстандық бітімгерлер бейбітшілікті қолдау операциясын өткізді inform.kz

Оқу-жаттығуға барлығы 1700-ден астам әскери қызметші, 300-ден аса әскери техника мен әскери авиация тікұшақтары жұмылдырылды, деп хабарлайды ҚР ҚМ баспасөз қызметі.

Ресей Федерациясында өткен «Мызғымас бауырластық-2021» бірлескен оқу-жаттығуы барысында Ұжымдық қауіпсіздік туралы шарт ұйымының Ұжымдық бітімгершілік күштері бейбітшілікті қолдау жөніндегі міндеттерді пысықтады. Бірлескен оқу-жаттығу басшылығының құрамында қазақстандық бөлімшенің іс-қимылын үйлестірген жауынгерлік даярлық департаментінің бастығы, Қазақстан Қарулы күштері бас штабы бастығының орынбасары генерал-майор Дәулет Оспанов болатын.

Оның айтуынша, оқу-жаттығудың негізгі мақсаты бейбітшілікті қолдау жөніндегі бірлескен операцияны өткізуде Ұжымдық қауіпсіздік туралы шарт ұйымы Ұжымдық бітімгершілік күштері бөлімшелерінің үйлесімді байланысын арттыру болды. Қазақстандық бітімгерлер гуманитарлық жүгі бар лектерді алып жүру, жергілікті жерді патрульдеу бойынша оқу-жауынгерлік тапсырмаларды орындауға қатысты шартты дағдарыс ауданындағы қақтығысты реттеу үшін елді мекенді бұғаттады. Қорытынды кезеңде тәжірибе іс-қимылының кешенді ойыны өткізілді.

 

Хабар 24 телеарнасы