434,46 493.30 5,91
+7 (7172) 757 485 24kz@khabar.kz

Қызылордалықтың үйінен 4 келі есірткі табылды

  • 89
  • UPD: 16:55, 16.11.2021
Қызылордалықтың үйінен 4 келі есірткі табылды polisia.kz

Қызылордалықтың үйінен 4 келі есірткі табылды, деп хабарлайды Polisia.kz.

Облыс көлемінде өтіп жатқан «Рефлекс» жедел-профилактикалық іс-шарасы барысында Қызылорда облысы Полиция департаментінің Есірткі қылмысына қарсы іс-қимыл басқармасының қызметкерлерімен облыс орталығының тұрғынының үйінен, ауласынан және сарайынан жасыл түсті ерекше иісі бар ұнтақталған шөптер табылып, тәркіленді.

Сараптама қортындысына сәйкес, алынған шөп жалпы салмағы 4 келіден астам «кептірілген марихуана» екені белгілі болды. Қазіргі таңда күдікті уақытша ұстау изоляторына қамаққа алынды.

Аталған дерек бойынша Қазақстан Республикасы Қылмыстық кодексінің 296-бабының 4-бөлігімен (Аса ірі мөлшердегі есірткі заттарды өткізу мақсатынсыз заңсыз сақтау) сотқа дейінгі тергеп-тексеру әрекеттері жүргізілуде.

Хабар 24 телеарнасы