Абай шахтасындағы апаттан кейін кеншілердің жалақысы өсетін болды

Бұдан былай қарағандылық кеншілердің айлығы әр жылдың қаңтар айында елдегі инфлияцияға сай индексикацияланып отырады. Мысалы, ақша бір жылда 7 процентке құнсызданса, қаңтар айында кеншілер айлығы 7 процентке артып отырады.

Абай шахтасында болған апаттан кейін кеншілер қойған 12 талапты келісім комиссиясы жеке-жеке қарап, осындай байламға келіп отыр. Бұдан бөлек үйлестіру комиссиясы келер жылдан бастап «Отбасы банкімен» бірігіп, кеншілер мен металлургтерге арналған жылдық мөлшерлемесі 5 проценттен аспайтын ипотека шығармақ. 

Жеңіс Қасымбек, облыс әкімі:

– Индексикацияны ескере отырып, кеншілердің жалақысы қосымша 15-17%-ке өседі. Жалақыны индекстеу әр жылдың 1 қаңтарынан бастап инфляция деңгейінен 100% көлемінде жүргізіледі. Желтоқсан айында көмір департаментінде өндірістік және экономикалық көрсеткіштер жоспарының орындалуына қарамастан бір жолғы 13-ші айлық төленеді.