1996 жылы білім беру саласы мен іс-қағазды қазақшалауға алғашқы қадамдар жасалды, деп хабарлайды «Хабар 24».
Өйткені жоғары оқу орындарының 20 проценті ғана қазақ тілінде білім беретін. Сөйтіп 1996 жылы 3 сәуірде қазақ ұлтының азаматтары төлқұжатқа өз әкесінің аты-жөнін, ата-бабасының есімін жаздыруға мүмкіндік алды.
ТӘУЕЛСІЗДІК МОНУМЕНТІ
1996 жылы 16 желтоқсанда Тәуелсіздігіміздің бес жылдығын атап өттік. Дәл осы күні Алматыдағы Республика алаңында «Тәуелсіздік монументі» ашылды. Бұл - тәуелсіздіктің алғашқы тойы еді.
ЖЫР АЛЫБЫНА ҚҰРМЕТ
1996 жылы жыр алыбы Жамбыл Жабаевтың 150 жылдығы тойланды. Дәл осы жылы Алматы қаласындағы Жамбыл көшесі мен Достық даңғылы қиылысында жыр жампозына арналған еңселі ескерткіш орнатылды. Онда мөлдір бұлақ жағасында қолына домбыра ұстап отырған ақынның тұлғасы бейненген.