460,95 484,00 8,66
+7 (7172) 757 485 24kz@khabar.kz

Елордалық «Elorda Korshiler» бағдарламасы қалай жұмыс істейді

  • 136
  • UPD: 11:59, 14.12.2021
Елордалық «Elorda Korshiler» бағдарламасы қалай жұмыс істейді astana.gov.kz

Елордада «Elorda Korshiler» ішінара күрделі жөндеу жүргізуді талап ететін үйлердің тізілімін жасау бойынша қалалық бағдарлама әзірленді.

Бағдарлама Мемлекет Басшысының Жолдауын орындау аясында жұмыс істейді, деп хабарлайды Нұр-Сұлтан әкімдігінің ресми сайты.

Қатысу үшін құжаттарды келесі шарттарды сақтай отырып тапсыруға болады:

- ҚР азаматтығының болуы;

- МИБ төрағасы немесе ЖС сенімді тұлғасы (тіркеу туралы анықтама, қарапайым сенімхат);

- үй кеңесінің бекітілген құрамының болуы (кемінде үш адам);

- ЕДБ-де екі шоттың болуы (ағымдағы, жинақ);

- 20% аспайтын дебиторлық берешек;

- ЖС нысаны кезінде басқарушы сертификатының болуы;

- Бекітілген шығыстар сметасының болуы;

- Сервистік қызмет субъектілерімен қызмет көрсету шарттарының болуы.

Бағдарламаға тек МИБ немесе ЖС басқарудың бекітілген нысандары бар үйлер қатыса алады.

Болжамды шығындарды объективті бағалау үшін ішінара күрделі жұмыстарды жүргізуді қажет ететін үйлердің бірыңғай тізілімі қалыптастырылады.

Сондай-ақ, мамандар жаңғырту бағдарламасы мен «Elorda Korshiler» арасындағы айырмашылықты түсіндірді.

Жаңғырту бағдарламасы бүкіл үйдің күрделі жұмыс түрлерін жақсартуға және жүргізуге бағытталған. Операторы - "Өркен қала". Оған барлық үйлер қатыса алады, ол үшін мүлік иелерінің 2/3-тен астамы келісуі қажет.

«Elorda Korshiler» бағдарламасы тек МИБ-ті немесе ЖС басқару нысандарынан өтінімдерді қарастырады, мүлік иелері қатарынан үй кеңесі мүшелерінің құрамын төрт көрсеткіштің біреуі бойынша ғана бекітеді: шатыр, жылу тораптары, абаттандыру, қасбет.

Егер үйде МИБ немесе ЖС болмаса, үй тізілімге кірмейді.

Бұл мәселедегі алғашқы қадам меншік иелерінен өтінім беру болуы тиіс.

Өтінімдер «Тұрғын үй қатынастары туралы» ҚР Заңына сәйкес https://4osi.kz/ru/elorda-korshiler сілтемесі бойынша қаралады.

Көп пәтерлі тұрғын үйді қанағаттанарлықсыз күтіп-ұстаудың барлық мәселелері бойынша Республика даңғылы, 32 мекенжайына жүгінуге болады.

Хабар 24 телеарнасы