Өңірде былтыр жаңа жылды тойлау кезінде 18 өрт болды. Оқыс оқиғаның 95 проценті мерекелік от шашудан болған, деп хабарлайды Хабар 24.
Өскеменде «Пиротехника» жедел алдын алу іс-шаралары өтіп жатыр. Мамандар сауда орындарындағы от шашуды сақтаудың ережелерін түсіндіріп, арнайы тәжірибе де көрcетті. Ал полиция қызметкрелері саудаланып жатқан пиротехникалардың заңдылығын тексерді.
Марина Лискова, облыстық ТЖД баспасөз хатшысы:
– Жаңа жыл кезінде болатын өрттің көбі от шашуға қатысты. Сондықтан желтоқсанның аяғы мен қаңтардың басында біз күшейтілген кестемен жұмыс істейміз. Жыл сайын базардағы от шашу сататын кәсіпкерлерге арнайы нұсқаулықтар таратамыз.