434,23 496,10 5,68
+7 (7172) 757 485 24kz@khabar.kz

Ұлытау ұлттық паркін құруға қанша қаражат кетеді

  • 66
  • UPD: 02:51, 22.12.2021
Ұлытау ұлттық паркін құруға қанша қаражат кетеді inform.kz

Орман шаруашылығы және жануарлар дүниесі комитеті төрағасының міндетін атқарушы Ерлан Құтпанбаев Ұлытау мемлекеттік ұлттық табиғи саябағын құруға қанша қаражат жұмсалатынын айтты, деп хабарлайды ҚазАқпарат.

«Ұлытау ұлттық табиғи паркін құруға қанша қаражат кетеді? Жалпы Ұлттық парктерді дамытудың келешегі қандай? Парктер өз-өзін ақтап жатыр ма? Бұл сауалдар Орталық коммуникациялар орталығында өткен брифинг барысында Экология, геология және табиғи ресурстар министрлігінiң өкілдеріне қойылды.

«Ұлытау» мемлекеттік ұлттық табиғи саябағының 2022 жылға арналған бюджеті 236 млн теңге болып отыр. Бүгінгі таңда бұл қаражат республикалық бюджеттен бөлінеді. 2022 жылдың бірінші қаңтарынан бастап штат саны және басқа да ұйымдастыру мәселелері нақты белгілі болады», – деді Орман шаруашылығы және жануарлар дүниесі комитеті төрағасының міндетін атқарушы Ерлан Құтпанбаев.

Оның айтуынша, мемлекет ұлттық парктерді экономикалық пайда үшін ұстап отырған жоқ. «Ұлттық парктер құрудағы негізгі мақсат – табиғатты күзету қызметі. Яғни бірегей табиғи кешендерді қорғауға бағытталған. Осыған байналысты Ұлттық саябақтардың табысын есептеу екінші кезектегі мәселе деп ойлаймыз», – деді комитет басшысы.

Хабар 24 телеарнасы