loader

Қазақстандағы ауруханаларда ауыр науқастарды қашықтан бақылау мүмкіндігі пайда болды Tengrinews.kz

Қазақстандағы ауруханаларда ауыр науқастарды қашықтан бақылау мүмкіндігі пайда болды

Бұл мүмкіндікке еліміз бойынша 46 аурухана ие болды, деп хабарлайды Хабар 24 Tengrinews.kz-ке сілтеме жасап.

Damumed қосымшасында ауруханаға жатқызылған науқастардың денсаулық жағдайы туралы жақындарына жедел хабарлау функциясы іске қосылды. 

Әзірлеушілердің айтуынша, енді ауыр науқастардың жағдайын туыстары онлайн режимде бақылай алады. Функция әсіресе туыстары коронавируспен реанимацияда жатқандар үшін қажет.

Науқастың туысы немесе сенімді адамы дәрігердің таңғы тексерісінен кейін температурасы, импульсі, қысымы, оттегімен қанығуы, тыныс алу қозғалыстары туралы барлық ақпаратты мобильді қосымшадан біле алады.

Сондай-ақ бағдарламашылар қосымша науқастың туыстарымен бейнебайланыс жасауға мүмкіндік беретінін айтты. Дәрігер қажет деп тапса, медициналық ақпараттық жүйе арқылы науқастың туыстарымен бейнебайланықа шығуға мүмкіндігі бар. 

«Бұл функция тек науқастың туыстарына ғана емес, дәрігерлердің де жұмысын жеңілдетеді. Шұғыл түрде отбасымен байланысу қажет болғанда осы қосымшаны пайдалана алады», – деді Қарағанды ​​қаласындағы №1 көпсалалы аурухананың неврология бөлімінің меңгерушісі Ринат Латыпов.

IT-компанияның әзірлеушілері Damumed жүйесінде жұмыс істейтін ауруханалар мен емханаларға бейнебайланысты пайдаланудың техникалық мүмкіндігін бергенін айтты.

 

Сондай-ақ...