Рождество мерекесі аталып өтпейді

Төтенше жағдайға байланысты елде бұқаралық іс-шаралардың барлығы тоқтатылды.

Яғни ғибадатханалар, мешіт, синагога, шіркеулер жұмыс істемейді. Діни рәсімдер мен жоралғыларды өткізуге уақытша шектеу енгізілді. Бұл азаматтардың қауіпсіздігін қамтамасыз ету мақсатында қабылданған шара. Сондықтан Ақпарат және қоғамдық даму министрлігі тұрғындарды шектеу талаптарын сақтап, жағдайға түсіністікпен қарауға шақырады. Бұл талаптар төтенше жағдай режимі аяқталғанша сақталады. Жұма намазы да жамағатпен оқылмайды. Жұрт діни рәсім жасау үшін мешітке кіре алмайды.