Атырау облысында тәртіпке бағынбаған 13 тұрғын ұсталды

Өткен түнде Атырау облысында төтенше жағдай режимін бұзған 13 тұрғын ұсталды.

Олардың әрқайсына әкімшілік іс қозғалып, сотқа жолданды. Енді бұл азаматтар 10 айлық есептік көрсеткіш көлемінде айыппұл төлейді немесе 15 тәулікке қамалады. Қазір облыс аумағындағы барлық тас жолда блок-бекеттер орнатылған. Тәртіп сақшылары кіріп-шыққан әр көлікті мұқият тексеріп жатыр. Аймақта коменданттық сағат түнгі 23:00-ден таңғы жетіге дейін сақталады.

Президент елдегі жағдайға байланысты бірқатар тапсырма берді.

Бұған дейін үкімет отставкаға кеткен болатын. Премьер-министрдің қызметін уақытша Әлихан Смайылов атқарады. Ерлан Қарин Мемлекеттік хатшы болып тағайындалды. Ал Алматы мен Маңғыстау облысында төтенше жағдай режимі енгізілді. Жалпы бұған дейін Қазақстанда төтенше жағдай неше рет жарияланды. Төтенше жағдай кезінде нені білу керек.

Бұған дейін айтылғандай, газ бағасын арнайы комиссия реттейді. Ал Сенат төрағасы наразылық шарасы диалог негізінде шешілу керектігін айтқан. Сондай-ақ газ бағасының көтерілуіне қатысты тергеу жүріп жатыр.

Осы тақырып бойынша өзге тақырыптар:

Ел неге толқыды

Маңғыстау облысында газ бағасы 50 теңге болды

Ақтөбеде газ бағасы 50 теңгеге түсті

Тоқаев елдегі жағдайға байланысты мәлімдеме жасады

Маңғыстау облысының әкімі наразылық білдірген жаңаөзендіктермен кездесті