434,34 494,00 5,52
+7 (7172) 757 485 24kz@khabar.kz

Террорлық қауіп сейіле бастады

  • 75
  • UPD: 09:05, 14.01.2022
Террорлық қауіп сейіле бастады

Нұр-Сұлтан қаласында лаңкестік қауіптілік деңгейі «қызылдан» «қызғылт сарыға» өзгертілді.

Бірақ бұл қаперсіз және жеке басты анықтайтын төлқұжатты алмай жүре беруге болады деген сөз емес. Қала ішін патрульдеу және тұрғындарды тексеру жалғасады. Елорданың лаңкестікпен күрес жөніндегі жедел штаб өкілдерінің мәлімдеуінше, жеңілдетілген шектеу 14 тәулікке енгізілді.

Айта кетейік, террорлық қауіптіліктің «қызғылт сары» түсі кезінде лаңкестік әрекет жасауға және оған оқталған күдіктілерді іздестіру және ішкі мигранттарды тіркеу ережесі қаперге алынады. Нысандарға күзет күшейтіледі. Көлік қозғалысы да бақылауға алынады. Бүгінде 12 облыс пен екі мегаполисте террорға қарсы операция аяқталды. Алайда Алматы қаласы, Алматы және Жамбыл облыстарында жалғасып жатыр. Ал террорлық қауіптің «қызыл» деңгейі қалған 12 облыс пен Нұр-Сұлтан, Шымкент қалаларында күшін жойды.

Хабар 24 телеарнасы