Қадағалаушы орган өкілдері елдегі жаппай тәртіпсіздіктерге қатысып, заң талаптарын өрескел бұзған 695 іс бойынша тергеу жүргізіп жатқандарын айтты, деп хабарлайды Хабар 24.
Оның 44-і терроризм бабы болса, 15-і кісі өлтіру, тағы 6 іс билікті басып алуға насихат жүргізгендер. Бұл туралы орталық коммуникациялар қызметінде өткен брифингте ҚР бас прокурорының аға көмекшісі Азамат Сарғазин мәлімдеді. Ол сондай -ақ ел Президентінің тапсырмасына сай әкімшілік құқық-бұзушылық аясында 8 мыңнан астам іс қаралып жатқанын, олардың арасында жасаған ісіне өкініп, заңды өрескел бұзбағандарға қатысты жеңілдету шаралары да қабылданып жатқанын атап өтті. Мысалы, о баста әкімшілік құқық-бұзушылық бойынша 1200 адам қамалған болса, прокурорлардың шағымынан кейін олардың 700-ге жуығы ескерту алып, бостандыққа шығарылған.