Төтенше жағдай кезінде 11 мыңнан астам мүмкіндігі шектеулі жанға төлемдер автоматты түрде ұзартылды.
Еңбек және халықты әлеуметтік қорғау министрлігінің хабарлауынша, кемтар балалар мен бірінші топтағы мүгедектерге күтім жасайтын 3 мыңнан аса азамат та осындай қолдауға ие. Елде 2021 жылғы 5 желтоқсаннан бастап биылғы 19 қаңтарға дейінгі кезеңде мүгедектікті қайта куәландыру жұмыстары жүргізілген. Енді елдегі әлеуметтік төлемдерді тағайындауға өтініш жасап үлгірмеген азаматтарға министрлік қосымша тағы бір ай беріп отыр.