Елордада Нұржол желекжолындағы ақылы тұрақтар жұмыс істей бастады

2022 жылғы 19 қаңтардан бастап 10** нөмірлеуден басталатын тұрақ аймақтары әкімшілендірумен штаттық режимде жұмыс істейді, төлем 100 тг/сағ.

Нөмірлеу 11**, 2***, 3***, 4*** басталатын тұрақ аймақтары тестілік режимде жұмыс істейді. Тестілік режим кезінде әкімшілендіру жүргізілмейді.

Нұр-Сұлтан қаласы аумағында ақылы тұрақ кеңістігі жобасын іске асыру шарттарын талқылау барысында тараптар даулы мәселелерді реттеп, бейбіт шешімге келді Барлық ақылы тұрақ аймақтары бекітілді және Нұр-Сұлтан қаласы әкімдігінің және «Нұр-Сұлтан қаласының Көлік және жол-көлік инфрақұрылымын дамыту басқармасы» ММ теңгерімінде тұр.

Әрбір тұрақ аймағында тиісті жол белгілері мен ақпараттық қалқан орнатылған. Қалқанның жоғарғы жағында тұрақ аймағының төрт таңбалы нөмірі орналасқан. Нөмір барлық тұрақ қалтасы үшін бірыңғай болып табылады және тұрақ үшін ақы төленген кезде көрсетіледі.

Ақылы автотұрақтардың жұмыс тәртібі: жұмыс күндері таңғы сағат 8:00-ден кешкі 20:00-ге дейін. Сағат 20:00-ден кейін демалыс және мереке күндері автотұрақтар тегін. Тұрақ ережелері туралы толық ақпарат astanapark.kz сайтында орналасқан. Ақылы автотұрақтардың барлық мәселелері бойынша Call-орталыққа 8 800 080 2888 нөмірі арқылы жұмыс күндері сағат 8:00-ден 20:00-ге дейін хабарласуға болады.