loader

Алтай Көлгінов елорда маңындағы елді мекендерде жүргізілетін жұмыстарды түсіндірді

Алтай Көлгінов елорда маңындағы елді мекендерде жүргізілетін жұмыстарды түсіндірді

Нұр-Сұлтан қаласының әкімі Алтай Көлгінов Instagram парақшасында Үркер елді мекенінде қандай жұмыс жүргізілетінін айтты, деп хабарлайды Хабар 24 елорда әкімдігінің ресми сайтына сілтеме жасап. 

Нұр-Сұлтан қаласының әкімі Үркер (Ильинка) елді мекенінің тұрғындарымен кездесті. Елді мекенде шамамен 20 мың адам тұрады. Кездесу барысында тұрғындар кәріз жұмыстарын аяқтауды, мектеп, аулалар мен қоғамдық кеңістіктер салуды, көшені жарықтандыруды, интернет жүргізуді, жылы аялдамалар орнатуды, жаңа автобус маршруттарын іске қосуды және т.б. сұрады. 

«Көтерілген проблемаларды қысқа мерзімді, орта мерзімді және ұзақ мерзімді деп бөлеміз. Мысалы, Үркер елді мекенінің өзінде екі жылда 73 км кәріз желісі, 17 кәріз сорғы станциясы, 51 км жол және 127 мың шаршы метр тротуар салынды. Сондай-ақ, 6 кәріздік сорғы станциясына электрмен жабдықтау жүргізілді, бірқатар сорғыларды жөндеу және ауыстыру бойынша жұмыстар жүргізілді. Мұның бәрі қала тұрғындарының қолайлы өмір сүруіне мүмкіндік берді. Инженерлік желілер бойынша тиісті жұмыстарды биыл да жалғастырамыз»,– деді елорда әкімі.

Биыл бұл аймақта білім беру және денсаулық сақтау қызметкерлері үшін жатақхана, өрт сөндіру депосы, 1800 орындық мектеп (екі ауысымды, Е639 және №201 көшелердің қиылысы) құрылысын бастау жоспарланып отыр. Сонымен қатар елді мекенде газ тарату желілерінің құрылысы басталады.

«Тұрғындар бос уақытын өткізе алатын орындарға көңіл бөлу де маңызды. Былтыр екі қабатты коттеджді аула клубына айналдырдық (С.Жырау көшесі,1). Онда балалардың да, ересектердің де бос уақытын қолайлы әрі тегін өткізуге барлық жағдай жасалған, бірқатар қоғамдық кеңістіктер салынды. Сондай-ақ Үркерде дене шынықтыру-сауықтыру кешенін салып жатырмыз, Доспамбет жырау және Айғыржал көшелерінің қиылысында тағы бір қоғамдық кеңістік салуды жоспарлап отырмыз. Қала тұрғындарынан аулалар мен қоғамдық кеңістіктерді абаттандыру үшін жаңа орындар бойынша ұсыныстар қабылдаймыз»,– деп толықтырды әкім.

Алтай Көлгінов қала тұрғындарының өтініштерін ескере отырып, жаңа автобус маршруттарын іске қосатынын, жарықтандыру, жол салу және т.б. жұмыстарды ары қарай жалғастыратынын айтты.

«Елордада 16 елді мекен бар. Мемлекет басшысының тапсырмасы бойынша елді мекендердің бәрін жүйелі дамыту бойынша жұмыс жүргізіп жатырмыз. Мысалы, жүйелі проблемаларға тоқталсам, алдағы жылдары тағы 130 км сумен жабдықтау және су бұру желілерін, 85 км нөсер кәрізін, 170 км астам электрмен жабдықтау желілерін, 23 км жылумен жабдықтау желілерін, 3 нөсер кәріздерін тазарту құрылыстарын салуды жоспарлап отырмыз. Жоғарыда айтқанымдай, біздің мақсатымыз – қала сыртындағы елді мекендерді жайлы әрі өмір сүруге қолайлы инфрақұрылымы бар шағын ауданға айналдыру», – деп жазды елорда әкімі

Сондай-ақ...