Биыл елімізде 15,1 млн шаршы метр тұрғын үй салынады

Бұл туралы Дағдарысқа қарсы шаралар жөніндегі жедел штаб отырысында Индустрия және инфрақұрылымдық даму министрі Қайырбек Өскенбаев айтты, деп хабарлайды «Хабар 24».

Тұрғын үй жобалары мен жеңілдетілген несиеге 492 млрд теңге бағытталады. Инженерлік және көлік инфрақұрылымын дамытуға 1,4 трлн теңге бөлінеді. Министр елде құрылыс материалдарының бағасы тұрақталғаны байқалатынын мәлімдеді. Арматура бағасы 3 процентке, газ блогы 3 және шыны 17,6 процентке төмендеген. Дағдарысқа қарсы шаралар жөніндегі жедел штаб бизнес қоғамдастықпен бірлесіп мемлекеттік сатып алу және коммерциялық тұрғын үйді дамыту шараларын пысықтап жатыр.