Кезінде Қызылорда облысын басқарған басшыға неліктен ресми Мәскеу ерекше көлік берген?

80 жылдық тарихы бар Қызылорда облыстық тарихи-өлкетану музейінде 60 мыңдай экспонат сақтаулы.

Мұражай әсіресе 1985 жылы «Горький» автомобиль зауытында арнайы тапсырыспен жасалып, Сыр өңіріне жеткізілген «Чайкамен» мақтанады. Сүліктей қара көлік сол кезде облысты басқарған Еркін Әуелбековке берілген.

Толық автоматтандырылған люкс санаттағы машинаның бүкіл Кеңес одағы бойынша тек 4-еуі ғана құрастырылған екен. «Соның бірі неге Қызылордаға бұйырды?» деген сұраққа жауап іздеген музей қызметкерлері Мәскеу архивтерін де ақтарыпты. Сөйтсе күріштен көп өнім алып, ондаған Социалистік Еңбек Ерін тудырған киелі өлкенің құрметіне орай ресми Мәскеу ерекше экземпляр жіберуді ұйғарыпты. 2005 жылдан бері мемлекет қарауына өткен «Чайка» ГАЗ-24 әлі де мініске жарайды. 250 аттың күші бар темір тұлпар жылдамдығын сағатына 160 шақырымға дейін арттыра алады. 

Аманкүл Дүйсенбекқызы, облыстық тарихи-өлкетану музейінің бас қор сақтаушысы:

- Бұл автомобильдің тағы бір ерекшелігі, артқы жағында үлкен антенна болған екен. Кішкентай қорап ол КСРО КГБ-мен тікелей байланысты екен. Ол аппараты бізге келген жоқ. Музейге сыйға тарту акциясында халықтың алдына шығарып, бала-шаға отырып, суретке түсуге шығарып отырамыз. Халықтың көзайымына айналып отыр машинамыз.