Н.Назарбаев қазақстандықтарды Рамазан айының басталуымен құттықтады

Тұңғыш Президент – Елбасы Нұрсұлтан Назарбаев қазақстандықтарды Рамазан айының басталуымен құттықтады.

«Құрметті отандастар!

Баршаңызды қасиетті Рамазан айының басталуымен шын жүректен құттықтаймын!

Күллі әлем мұсылмандары үшін айрықша орын алатын бұл ай исламның ең басты құндылықтары – жақсылық пен мейірімділікті, сабыр мен имандылықты дәріптейді. Бұл идеялар діні мен ұлтына қарамастан тұтас халқымыздың бірлігін бекемдей түсері сөзсіз.

Қасиетті Рамазан айында сіздерге зор денсаулық, рухани күш-қуат, бақ-береке тілеймін!» делінген құттықтауда.