470,90 450,91 8,85
+7 (7172) 757 485 24kz@khabar.kz

Атырауда орталық көпір бес айға жабылады

  • 185
  • UPD: 23:54, 19.04.2022
Атырауда орталық көпір бес айға жабылады ҚазАқпарат

Атырау қалалық мәслихатының кезекті сессиясында орталық көпірге қатысты екі жоба ұсынылды.

Оның бірі – көпірге күрделі жөндеу жүргізу. Екіншісі – жаңа көпір құрылысын салу. Жаңа көпірді салу мерзімі 35 айға созылмақ. Сол себептен мәслихат депутаттары бес айда жүргізілетін күрделі жөндеу жобасына қолдау білдірді. Бүгінде орталық көпірдің жобасы бойынша жобалық-сметалық құжаттама жасақталған. Жобаға сәйкес құрылыс-монтаж жұмыстарының құны 920 млн 488 мың 988 теңгені құрайды. Әзірленген жоба аясында бағандар, тіреуіш қабырғалар, аралық құрылғының арқалықтары, тірек бөліктері жөнделеді. Сондай-ақ қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі мамандарының айтуынша, көпір үстіндегі асфальт төсемін, су бұру жүйесін ауыстыру жоспарланды. Жаңа сәндік қоршаулар, жарықтандыру аспаптары орнатылады. Қоршау блоктарына жөндеу жүргізіліп, жолға көрінетін жағы сырланады.

 

Хабар 24 телеарнасы