466,44 484,00 8,88
+7 (7172) 757 485 24kz@khabar.kz

Нұр-Сұлтанда қыз балалар мен жасөспірімдердің денсаулығын тексеруге арналған акция өтеді

  • 116
  • UPD: 16:12, 20.05.2022
Нұр-Сұлтанда қыз балалар мен жасөспірімдердің денсаулығын тексеруге арналған акция өтеді gov.kz

21 мамырда №3 көпбейінді қалалық ауруханада балалардың денсаулығын нығайту мақсатында балаларға арналған бірнеше акция өтеді, деп хабарлайды елорда әкімдігінің ресми сайты.

Ә.Молдағұлова көшесі, 28 мекенжайындағы аурухананың акушерлік блогында сағат 10.00-ден 14.00-ге дейін қыз балалар мен жасөспірімдерге әйел денсаулығын нығайту, медициналық тексеру шаралары өтеді. Қабылдауды жоғары білікті гинеколог-дәрігерлер жүргізеді. Ашық есік күні 0-ден 18 жасқа дейінгі қыздарға арналған.

Сондай-ақ 21 мамыр сағат 10:00-ден 17:00-ге дейін аурухананың дерматологиялық блогында (Республика даңғылы, 50/2 мекенжайы бойынша) тері аурулары бар балаларға (ұлдар мен қыздар) немесе оларды анықтауға бағытталған медициналық тексеру жүргізіледі. Аталмыш акциялар балалар жылы аясында өткізіледі.

Қосымша ақпарат алу үшін мына нөмірге хабарласуыңызға болады: + 7-702-233-76-26, Ақсәуле Бәкір.

Хабар 24 телеарнасы