Шымкенттік полицей көпірден секірмек болған ер адамды құтқарып қалды

Шымкенттік полицей көпірден секірмек болған ер адамды құтқарып қалды, деп хабарлайды Polisia.kz.

895 жаяу бағыттағы патрульдік полиция полкінің қызмет инспекторы Анаров және Төле би көшелерінің қиылысында істен шыққан бағдаршамды реттеп, қызмет атқару барысында жергілікті тұрғын көмек сұрайды.

Куәгер сол маңдағы Қапал батыр көшесіндегі көпірден адам өз-өзіне қол жұмсамақ болып, көпірдің жақтауында секіргелі тұрғанын көрген. Аталған жайт күндізгі уақытта болды. Оқиға орнына жеткен тәртіп сақшысы оны сөзге тарта отырып, жедел әрекет етіп, жанына жақындап қауіпсіз жерге шығарады. Осы оқиға полицейдің бейнежетонына жазылған.

Сондай-ақ Жедел басқару орталығының бейнебақылау камераларында азамат алдымен жолда жүріп жатқан көліктердің астына түспекші болғаны белгілі болды.

– Күнделікті жұмысқа келгенде бірінші ойым – қоғам тыныштығын сақтап, адамдардың қауіпсіздігін қамтамасыз ету. Қызмет барысында менде мұндай жағдай бірінші рет болды. Менен көмек сұрағанда, бірден ол адам мен жеткенше жаман қадамға бармай, өмірін құтқарып қалсам екен деген ниет болды. Аллаға шүкір, азаматты құтқарып үлгердік, ол дін аман, – деді полицей Жанболат Тастахов.

Өмірімен қош айтыспақ болған азамат мән-жайды анықтау үшін Еңбекші ауданы Полиция басқармасына жеткізіліп, кейіннен үйіне қайтарылды.