Елордада «Family Steam Challenge – 2022» жеңімпазы анықталады

Бас шаһарда «Family Steam Challenge - 2022» байқауының ақтық кезеңі өтіп жатыр, деп хабарлайды «Хабар 24».

Балалар жылына орай ұйымдастырылған жоба Ақпарат және қоғамдық даму министрлігінің бастамасымен жүзеге асырылды. Республикалық сайысқа еліміздің түкпір-түкпірінен 400 ден аса отбасы қатысты. Байқаудың екінші кезеңіне 16 отбасы іріктелді. Ұйымдастырушылардың айтуынша, жеңімпаз атанғандар 500 мың теңге ақшалай сыйлық алады.

Рахымбек Жолаев, «Сенімен болашақ» республикалық ата-аналар қоғамдық бірлестігінің төрағасы:

– «Steam Lab»бойынша жасап шығады. Ағаш пен желімнен көпір жасау керек. Қай отбасының көпірі мықты, ауыр салмақ көтерсе, сол жеңімпаз болады. Бұл енді Қазақстанда алғаш рет жасалып отыр. Бұл – оқу жобасы. Яғни балаларға техникалық білімді насихаттау.