Елорда әуежайында билетсіз тұрақ төлемі енгізілді

Шлагбаумды көліктің кіруі мен шығуын тіркейтін камера басқарады. Арнайы алгоритм нөмірлерді нақты дәлдікпен түсіреді, деп хабарлайды «Хабар 24» әуежайдың баспасөз қызметіне сілтеме жасап.

- Қызметті бірнеше тәсілмен төлеуге болады:⠀

- Kaspi QR, Halyk QR қосымшаларында;

- Қолма-қол ақшамен;

- Әуежай ғимараттарындағы төлем терминалдары арқылы (банк картасымен).⠀

Жақында NQZ мобильді қосымшасы арқылы төлем жасау мүмкіндігі пайда болады. Жүйе қажетті соманы автоматты түрде есептен шығара алады.

Нұр-Cұлтан әуежайында жаңа жүйе операциялық шығындарды азайтуға көмектеседі. Кептелістердің алдын алу үшін әкімшілік келушілерден әуежай ғимаратындағы тұрақ ақысын төлеуді сұрайды.