loader

Алматыда «Байтақ» жаңа саяси партиясының бірінші съезі өтті

Алматыда «Байтақ» жаңа саяси партиясының бірінші съезі өтті

Оған  еліміздің әр өңірінен 1500-ге жуық делегат келді.

Шараға «Байтақ болашақ» республикалық экологиялық Альянсының өкілдері де қатысты. Жаңа саяси ұйым экологиялық бағытты ұстанады. Бұған дейін партия әділет органдарында бастапқы тіркеуден өткен болатын. Енді съезден кейін мүшелерінің тізімін ұсынуы керек. Олардың арасында Ирак Елекеев, Дос Нұр-Ахмет, Азаматхан Әміртаев, Виктор Сейпульник сияқты Қазақстанға танымал тұлғалар бар. Ал, ұйымдастыру комитетінің құрамына ақын Олжас Сүлейменов пен ғарышкер Тоқтар Әубәкіров кірген.  Сонымен қатар, «Байтақ» партиясына экологиялық қоғамдық ұйымдардың, еріктілер қозғалысының және республикалық бақылаушылар қозғалысының жетекшілері де мүше болды. Еске сала кетейік,  қазір Қазақстанда бес саяси партия тіркелген, оның үшеуі Парламентте жұмыс істейді.

Тимур Елеусізов, «Байтақ» партиясының тең құрылтайшысы:

- Партияның ұстанымы мен  міндеті айқын. Ол халықты экологиялық мәденетті қалыптастыруға, қоршаған ортаны қорғауға үндейді. Қазір бізде осыған қатысты көптеген заңдар бар. Бірақ  заңнамалық актілерді қолданғанда тәжірибе жетпей жатады. Сондықтан,   бірінші кезекте осы заңдар бойынша  белсенді жұмыс атқаруды талап етеміз. Біздің партия Қазақстанның саяси өмірінің дамуына үлкен үлес қосады деп сенемін.

Сондай-ақ...