Павлодар және Шығыс Қазақстан облысынан 70 бозбала әскерге шақырылған.
Олар Ақтаудағы базаға пойызбен жетті. Алдымен, жауынгерлік бөлімнің құрылу тарихымен және сардарлық құрамымен танысты. Сол жерде матростар 1 айлық жалпы әскери дайындықтан өтеді. Курс соңында жеке құрам алдында салтанатты түрде ант тапсырады. Бұдан соң корабльдер дивизионының түрлі мақсаттағы су көліктерінде Отан алдындағы борышын өтейді.
Аян Масықбаев, матрос:
- Отанын қорғау әр ер-азаматтың парызы. Мен өз міндетімді атқару үшін Ақтаудағы әскери теңіз күштеріне келдім. Жауынгер-теңізші формасын кию бала кезімнен арманым болатын. Енді осы атақты абыроймен алып жүруге тырысамын.