Шығыс Қазақстандағы жылу электр орталықтарында технологиялық талаптар бұзылған.
Облыстағы жылу тарататын станциялар мен электр-желілік кәсіпорындарда 144 технологиялық бұзушылық анықталды. Бұл туралы атомдық және энергетикалық қадағалау мен бақылау комитетінің өкілдері мәлімдеді. Мәселен, Семейдегі №1 және Өскемендегі жылу электр орталығында 20 дерек тіркелді. Жалпы Қазақстанда әдбен ескірген жылу орталығы көп. Жабдықтары 70%-ке жуығы тозған. Ең апатты жағдайда тұрған кәсіпорындардың бірі Риддер жылу электр орталығы. Аталған мекеме жылу мауысымына дайын болмай шықты.
Еркебұлан Сергебаев, атомдық және энергетикалық ҚЖБ комитеті аумақтық департаментінің басшысы:
- Жылу электр орталығы басшыларының біліктілігінің тексеруден өтпеуі, мерзімді техникалық куәландыру жүргізілмеген. Металды бақылау жөніндегі жоспардың болмауы, энергетикалық жабдықтардың негізгі элементтері мен басқалары техникалық диагностикадан өтпеуі болып табылады.