Жезқазған жылу электр орталығында 1 қазандық істен шықты.
Орталық дереу резервтегі қазандықты іске қосқанымен, одан да ақау табылды. Осылайша қаланы жылумен қамтып отырған кәсіпорын небары 3 қазандықпен қалды. Бөлінетін жылу деңгейі де нормадан 10 градусқа төмендеген. Жауаптылар жөндеу жұмыстарына кемінде 2 күн қажет дейді.
Ерлан Құсайынов, Жезқазған қаласы әкімінің орынбасары:
- 27 қараша күні №5 қазандық апатты жағдайда жұмысын тоқтатты. Оның орнына іске қосылған №6 қазандық өткен түнгі сағат 2 де істен шықты. Осылайша қазіргі таңда 3 қазандық қана жұмыс істен тұр. Қазандықтардағы апатты жөндеу жұмыстары жалғасуда. №5 қазандықты бүгін кешке дейін, ал №6 қазандықты ертең кешке дейін аяқтаймыз деп жоспарлап отырмыз.