Екібастұздың қазіргі ахуалы қандай?

Екібастұзда құбырларды жылыту жұмыстары жүргізіліп жатыр, деп хабарлайды «Хабар 24».   

Нәтижесінде Мәшһүр Жүсіп көшесінің бойындағы 89,91 және 93-ші үйлердің құбырларына жылу барды. Енді мамандар алдағы уақытта үйлерді жылыту жүйесіне қосуы тиіс. Осыған дейін 15 зақымданудың 14-і жойылып, қазіргі уақытта жөндеу жұмыстары жалғасып жатыр.

Бауыржан Хабылқақұлы, шебер:

- Қазір біз бу арқылы жылытып жатырмыз. Арнайы техникалар арқылы жылытып жатырмыз. Бүгін түнде міне, 91-ші Мәшһүр Жүсіп құбырларына жібердік, енді ары қарай жалғастырып жатырмыз.