Себебі ауаны шектен тыс ластаған. Аталған кемшіліктер бақылау барысында анықталды.
Бұдан бөлек, кәсіпорын 2025 жылға дейін атмосфераны ластаушы заттардың үлесін 25%-ке дейін қысқарту бойынша міндеттеме алды. Айта кетейік, компанияның қала ауасын ластау көрсеткіші 46%-ті құрап отыр. Бұл туралы Орталық коммуникациялар қызметі алаңында Экологиялық реттеу және бақылау комитетінің төрағасы хабарлады.
Зұлфұхар Жолдасов, «ҚР ЭГТРМ Экологиялық реттеу және бақылау комитетінің төрағасы:
- Осы жылы мекемеге қатысты жоспардан тыс тексеру жүргізу барысында оның төрт қондырғысында эмиссия нормативтері жүйелі түрде, яғни 3 реттен асып кету фактісі орын алды. Нәтижесінде, әкімшілік материалдар толтырылып, сотқа қарау үшін жолданды. Сотпен мекеменің 4 объектісіне берілген экологиялық рұқсаттың қолданысы тоқтатылды және 5,6 млн тенге көлемінде айыппұл салынды. Апелляциялық алқа бірінші сатыдағы сот қаулысының күшін жойды.