USD 446.33
EUR 485.56
RUB 5.04
Көп қабатты үйлердің жылу және сумен қамту желілеріндегі жұмыс бірыңғайланып қалды.
Қазір магистраль мен орам ішіндегі температура реттеліп жатыр. Үйлердегі жағдай орныққан соң мектеп, балабақшалар жұмысын бастайды. Ал коммуналдық апаттан су жүйесі толық істен шыққан Сәтбаев көшесіндегі 8-үйде жөндеу бригадалары су құбырын ауыстырып жатыр. Олар мұз қатқан бір шақырымдық құбырды қысқа мерзімде ауыстырды. Жұмысшылар аязға қарамай жұмыс істеді. Енді көмекке келген бригадалардың алды қайтып жатыр. Үйлер жылу берілді. Сумен жабдықтау жүйесі де көп ұзамай іске қосылады.
Тимур Календарёв, жедел штаб басшысының орынбасары:
- Ыстық су мен суық су ағыны бастапқы қалпына келе бастады. Бүгін-ертең су жүйесін толық қалпына келтіруді жоспарлап отырмыз.
