Бұл туралы Сыртқы істер министрлігінің ресми өкілі Айбек Смадияров журналистерге арналған брифингте мәлімдеді.
Оның айтуынша, отандастарымыз ақша табу үшін шетел асқан. Алайда олар еңбек құлдығына тап болды. 2 азаматтың құлдықтан қашып шығуына жергілікті тұрғын жәрдемдесіпті. Кейіннен 2 отандасымыз Сыртқы істер министрлігімен хабарласып, Бангкокқа жеткізілді. Онда азаматтардың Таиландтық визасының мерзімі өтіп кеткендігі анықталып, 1 тәулік ішінде жаңадан құжат әзірленген. Осылайша, отандастарымыз Алматы қаласына аман-есен жеткізілді.
Айта кету керек, өткен жылдың жаз маусымынан бері еңбек құлдығына тап болған 14 отандасымыздың елге оралуына Қазақстанның Тайландтағы елшілігі көмектескен.
Айбек Смадияров, ҚР СІМ ресми өкілі:
- Біздің консул дереу автокөлікпен Таиландтың шекарасына барып, Мьянмадан қаланың шетінен оларды алып кетті. Бангкокқа жеткізіліп, олардың құжаттары рәсімделіп, көші-қон заңдарын бұзғаны үшін айыппұлдар төленді. Катар арқылы билет алынып, Алматыға ұшып келді.