Екібастұзда енді жаңа автобустар қатынайтын болады. Қоғамдық көлік халыққа аса қажетті жаңа бағыттар бойынша жүреді.

Себебі соңғы уақытта қала маңынан шаһарға келетін жолаушылардан шағымдар көбейген. 85 орынға арналған автобус бейнебақылау камералары, ауа бап-тағыштар және жылу құралдарымен жабдықталған. Алдағы уақытта тұрғындар үшін электронды төлем жүйесі іске қосылады. Ал мүмкіндігі шектеулі азаматтарға, ыңғайлы болу үшін арнайы орындар қарастырылған. Тасымалдаушылардың мәліметінше, наурыз айында заманауи көліктердің тағы бір легі әкелінеді.

Александр Козловский, тасымалдаушы ұйымның өкілі:

- Автобус  жолаушылар үшін жайлы. Техникалық сипаттамалары бойынша экологиялық таза көлік. Барлығы халықаралық стандарттарға сай құралдармен жабдықталған.