Шымкентте шыбын-шіркей мен масаға қарсы залалсыздандыру жұмыстары жүргізіледі.

Ауыл шаруашылығы және ветеринария басқармасының өкілдері шаһардың бес миллион шаршы метрге жуық аумағы дезинфекциялық тазалаудан өтетінін мәлімдеді. Залалсыздандыру жұмыстары өзен-каналдар мен саябақтар, гүлзарлар аумағына бюджет қаражаты есебінен жүргізіледі. Ал жертөлелер мен тұрғын үй аулаларын пәтер иелері  кооперативтері қадағалайды. Биыл бұл жұмыстар кезең-кезеңімен төрт рет жүргізілетін болады.

Талғат Мекенбаев, қалалық ауыл шаруашылығы және ветеринария басқармасы басшысының орынбасары:

- Сәуір айында қорғау барерлері болады, тұқымдары болады соларды алдын-алу үшін басында жасаймыз. Бұл көбінесе түнгі уақыттарда жүргізіледі. Сонымен қатар маусым, шілде және тамыз айларында төрт кезеңге бөліп жасау күтілуде.