Астанада заңсыз тұрғын үй салған 7 адам ұсталды

Елордада 10 көппәтерлі тұрғын үй кешені заңсыз салынған.

7 адамға, оның ішінде 3 құрылыс компаниясының басшысына қамауға алу түріндегі бұлтартпау шарасы қолданылды.

Фигуранттардың бірі Мәскеуде ұсталды. Оның келтірген шығыны 5 млрд теңгеден асуы мүмкін.

Қазір Прокуратура құрылыс компанияларына қатысты 7 қылмыстық істі тергеп жатыр. Қатысы бар барлық адам мен олардың мүлкі анықталады.