Алматыда тағы жер сілкінді

Бүгін таңғы сағат 05:09-де 2 баллдық жер дүмпуі тіркелді.

Сейсмологиялық бақылау және зерттеу Ұлттық орталығының мәліметі бойынша эпицентрі Алматыдан оңтүстік-шығысқа қарай 266 шақырым жерде Қытай аумағында орналасқан. «Өзара іс-қимыл алгоритміне сәйкес тиісті мемлекеттік органдарға хабарланды, Полиция департаментінің жедел кезекшісіне ақпарат жеткізілді, қаланың ғимараттары мен құрылыстарына қатысты ақпарат жинау үшін шаһарда мониторинг жүргізіліп жатыр», - делінген арнайы хабарламада.