Елордада «Казавтодор-Kaztraffic-2022» халықаралық көрмесі өтіп жатыр, деп хабарлайды «Хабар 24». Ауқымды шараға АҚШ, Франция, Германия, Ресей және басқа да елдердің белді компаниялары қатысуда. Мұнда жол құрылысы мен әуе кемелері қонатын жолақ жабындарын салуға қатысты тың технологиялар да ұсынылды. Сондай-ақ, 10-нан аса елден келген мамандар пікір алмасып, тәжірибелерімен бөліспек. Айта кетерлігі, халықаралық көрменің ашылуында Қазақстан жол ғылыми-зерттеу институтының мамандары жол саласындағы ғылымның соңғы жетістіктерін таныстырды. Көрме 25 қарашаға дейін жалғасады.