Осыған қатысты Сенат депутаты Амангелді Төлемісов үкімет басшысына депутаттық сауал жолдады. Ол құмар ойындардың жарнамасына тыйым салу туралы мәселе көтеріп, заңға өзгеріс енгізуді сұрап отыр. Соның ішінде букмекерлік кеңселерді жарнамалауға да тыйым қажет,- дейді. Оның айтуынша, елімізде спорттық ойынға бәс тігетіндер саны азаймай тұр. Әсіресе, қазір футболдан әлем чемпионаты өтіп жатқан тұста бәс тігу кеңселері қалтасын қампайтып әлек. Ал, ойынның қызығынан шыға алмай құнын өз өмірімен өтеп жатқандар да бар, дейді депутат. Қазір елімізде ойын бизнесі саласында 50 ұйым бар жұмыс істейді, оның ішінде 26 букмекерлік кеңсе, 6 казино, ойын автоматы қойылған 10 зал, 2500-ге жуық бәс тігу пункттері және 8 тотализатор тіркелген. Амангелді Төлемісов, ҚР Парламенті Сенатының депутаты: - Ойын бизнесі үлкен қаржының көзі болғандықтан ба, әлде тиісті дәрежедегі бақылау мен қадағалаудың жоқтығынан ба оған іс жүзінде тыйым салу әлі күнге дейін мүмкін болмай тұр. Ойын автоматтары кез келген жерге қойылған, ставка қабылдау пунктері еркін жұмыс істейді. Жарнамалық серіктестері де көбіне букмекерлік компанияларды жарнамалап күн көріп отырғандықтан одан бас тартпасы анық. Бірақ белгілі бір деңгейде тоқтау салмаса, қоғамдағы жағдай ушығып барады.