Тәуелсіздік күні мерекесі мен Жаңа жыл мейрамы қарсаңында бірнеше бағытқа қосымша пойыз жүреді. Қосымша пойыздар келесі бағыттар бойынша қатынайды: - Нұр-Сұлтан-1-Шымкент бағытында: 2023 жылдың 15, 29 желтоқсаны және 2024 жылдың 1 қаңтарында елордадан 3 пойыз қатынайды. Ал Шымкенттен - биыл 16, 30 желтоқсан мен 2024 жылдың 2 қаңтарында пойыз жүреді. - Нұрлы жол-Алматы-2 бағытында: 2023 жылдың 15, 28, 29 желтоқсанында және 2024 жылдың 1, 2 қаңтарында Нұрлы жол вокзалынан 5 пойыз жүреді. Ал Алматы-2 вокзалынан - 16, 29, 30 желтоқсан және келер 2024 жылдың 2, 3 қаңтарында пойыздар қатынайды. Құрам стандартты купе мен плацкарт вагондардан тұрады. Сондай-ақ, №7510/7509 Электр пойызының Астанадан Павлодар бағытында қосымша рейстері қосылады. Пойыз елордадан осы жылдың 15, 29, 30 желтоқсанында, ал кері бағытта - биылғы жылдың 18 желтоқсанында және 2024 жылдың 2 қаңтарында жүреді. Бұдан басқа сұранысы көп бағыттар бойынша техникалық мүмкіндік болған кезде жолаушылар пойыздарына қосымша вагондар қосылады.