Астана әуежайының бірінші қабатын су басты

Астана халықаралық әуежайының бірінші қабатын су басты.

Оқиға куәгерлері әлеуметтік желіде видеолармен бөлісіп жатыр. Әуежайдың баспасөз қызметі бұл жағдайға дереу түсініктеме берді. Кешкі сағат 19:36 шамасында халықаралық терминалдың бірінші қабатындағы  құбыр зақымданып, су атқылай бастаған. Ақауды мамандар 20 минутта жөндеп үлгерген. Баспасөз қызметінің хабарлауынша, аталған оқиға әуежай жұмысына кері әсер еткен жоқ. Бәрі қалыпты режимде жұмыс істеп жатыр.