Елімізде екі ірі жол апатынан 15 адам қаза тапты

Жетісу облысында жантүршігерлік жол апатынан 10 адам қайтыс болды, деп хабарлайды 24kz.

Тағы біреуі түрлі дене жарақатымен ауруханаға жеткізілді. Қайғылы жағдай Алматы – Өскемен тас жолындағы Көлбай ауылы маңында түнгі уақытта болған. «Апатқа жеңіл көліктің қарсы бағытқа шығып, екі көлікпен соқтығысуы себеп болды», - деген болжам жасалып отыр.

Жасұлан Байкенов, облыстық ПД бастығының орынбасары:

- Аталған іс бойынша қылмыстық іс қозғалды. Болған мән-жайды толық анықтау үшін сотқа дейін тергеп-тексеру амалдар жүргізілуде. Жол апатының нақты себептері анықталуда. Қарастырып жатқан жылдамдықты арттыру және жол ережелерін бұзу бар.

Өткен түні Қарағанды облысында да жол апаты болып, 5 адам көз жұмды. Қарағанды – Аягөз – Боғас автожолының Шешенқара ауылы маңында жеңіл көлік жүргізушісі қарсы жолаққа шығып кеткен. Сөйтіп, жүйткіп келе жатқан көлікпен соқтығысқан.